• Галоўная
• Аб гульні
• Фотоархіў
• Цікавае
• Відэа
• Напісаць нам
• Рэйтынгі
• Форум

Вынікі

Як пісаў вядомы гісторык М.М. Карамзін ў «Истории государства Российского»:

Ліцвіны ніколі не атрымоўвалі такой славутай перамогі над маскавітамі: гналі, рэзалі, тапілі іх у Дняпры і Крапіўне; целамі ўсеялі палі паміж Воршай і Дуброўнай… адным словам яны поўнасцю адпомсцілі нам за Ведрашскую бітву.

Каля паловы маскоўскага войска навечна засталося на аршанскіх палях, а страты войска ВКЛ і Польшчы склалі каля 4 000. У рукі пераможцаў трапіў маскоўскі абоз, агнястрэльная зброя, баявыя сцягі. Захопленых коней і палову вайсковага абозу Канстанцін Астрожскі раздаў сваім ваярам у падзяку за мужнасць. Сярод трафеяў знайшлі і тысячы кайданоў, якія Васіль ІІІ падрыхтаваў для ліцвінаў.

Вестка пра перамогу беларуска-літоўскага войска пад Воршаю абляцела ўсю Еўропу. Да некаторых еўрапейскіх манархаў у падарунак разам з каралеўскімі граматамі была пераслана частка захопленых у бітве пад Воршай палонных маскавітаў. У гонар Аршанскага трыумфу былі нават выдадзены брашуры лацінскаю і нямецкаю мовамі, у якіх кароль Жыгімонт І і папскі нунцый Пізо апавядалі пра бітву рымскаму папу Лявону (Льву) Х. Цяпер рымскі папа бачыў у Літве і Польшчы сілу, якая можа стрымаць турэцкую пагрозу і абараніць ад яе Еўропу.

Бітва 8 верасня 1514 г. мела і дыпламатычныя наступствы. Германскі імператар пасля бітвы разарваў саюз з Васілём ІІІ, і вярнуў частку атрыманых у падарунак палонных свайму няўдаламу саюзніку, а сам стаў шукаць саюзу з Жыгімонтам. На некаторы час крымскі хан спыніў свае набегі на беларускія і ўкраінскія землі. Да 1518 г. спыніліся напады маскоўскіх войскаў на тэрыторыю Беларусі. Становішча беларуска-літоўскай дзяржавы ў геапалітычных дачыненнях на пэўны час палепшылася.

Дарма што Аршанская перамога не вярнула Смаленск у склад ВКЛ. Аршанская бітва практычна замацавала ўсходнюю мяжу Беларусі, якая праіснавала да канца XVIII ст. Перамога пад Воршай займае адно з першых месцаў у нашай гісторыі ў шэрагу бліскучых трыумфаў беларускай зброі — Сінія Воды, Грунвальд, Кірхольм, бітва пад Клецкам…

Аршанская бітва 1514 г. з’яўляецца слаўнай старонкай гісторыі беларускага войска, а 8 верасня — гістарычным Днём беларускай вайсковай славы. Акурат 8 верасня 1992 г. на Плошчы Незалежнасці ў Менску беларускія вайскоўцы прысягнулі на вернасць Беларусі. Так была ўшанавана памяць пра адную з самых буйных і слаўных бітваў у гісторыі беларускага сярэднявечча.

Чакайце фінальнае заданне ў 19-00 

 Поля помеченные звездочкой обязательны для заполнения *.