• Галоўная
• Аб гульні
• Фотоархіў
• Цікавае
• Відэа
• Напісаць нам
• Рэйтынгі
• Форум

Крыжацкая навала адбіта! Слаўныя ваяры вярнуліся з палёў супрацьстаяння. Гэтым полем у чарговай гульні freedom fight “Бітва за Грунвальд” быў горад Менск, а таксама старажытнае Заслаўе.

Сцэнар гульні быў прысвечаны слаўнай перамозе нашых продкаў над тэўтонцамі каля зялёнага лесу амаль 600 год таму.

 Паводле сцэнару крыжакі нечакана з’явіліся на межах Вялікага Княства. Каб адбіць навалу збіраецца паспалітае рушанне. У ролі паспалітага рушання выступалі файтэры, абяднаныя ў каманды (харугвы).

На першым этапе камандам неабходна было адбіць у крыжакаў масты. Мост лічыўся адбтым, калі харугва вывешвала на ім бел-чырвона-белы сцяг. Усе каманды прайшлі этап хутка, бяз перашкодаў.

На другім этапе да гульні далучыліся штабныя гульцы, якія муслі адгадаць наступны пункт (горад), дзе на старым замчышчы файтэраў чакаў агент. Былі дадзены толькі каардынаты горада (шырыня, даўжыня) год заснавання. На гэтым этапе крыху затрымалсь гульцы з “flat searchers”, папрасіл падсказку. Астатнія каманды прыехалі ў Заслае ўжо праз 40 хвілін пасля пачатку гульні.

На трэцім этапе каманды мусілі знайсці тумбу з адмысловым знакам, які паказваў дзе крыжакі трымаюць палон. Тумбу і метку знайшлі хутка, а вось палон было адшукаць цяжка. Пасля некалькіх гадзін блукання першая каманда знайшла бункер часоў Другой Сусветнай вайны, дзе ланцугом быў прыкаваны палонны. Каб вызваліць закладніка, файтэры мусілі перарыць увесь бункер, бо знайсці ключ ад замка было няпроста.

Пасля догіх пошукаў заставаўся апошні этап - адшукаць месца табаравання тэўтонца, дзе мусіла адбыцца бтва.

У выніку,пасля чатырох гадзін ад пачатку гульні першая каманда патрапіла на месца абозу. Дзе ўпершыню за апошня два гады адбылася інцыяцыя кадыдатаў на ўзровень “Warrior”. Усе намінанты прайшлі праз так званае “кола”. Што гэта такое мы распавядзем крыху пазней.

У выніку захапляльнай гульні першае месца атрымала каманда навічкоў (усяго другая гульня) “Тутэйшыя”, на другім месцы ветэраны з “ПВЗ”, трэццяе засталося за “flat searchers”.

Віншуем пераможцаў!

 Поля помеченные звездочкой обязательны для заполнения *.