• Галоўная
• Аб гульні
• Фотоархіў
• Цікавае
• Відэа
• Напісаць нам
• Рэйтынгі
• Форум

  Ваяводы Васіля ІІІ не ведалі сапраўднай колькасці наступаючых і адвялі свае войскі за Дняпро, каб прыняць вырашальную бітву на зручным для сябе месцы. Каля 80 000 (?) маскоўскіх вершнікаў занялі пазіцыі на ўзгорках каля Воршы, на захад ад рэчкі Крапіўны, паміж вёскамі Шугайлава і Рукліна. Галоўны ваявода Іван Чаляднін размясціў свае палкі трыма выгнутымі лініямі і пакінуў наперадзе прастору для войска Астрожскага. Гэта была пастка для праціўніка, калі той рызыкне пераправіцца праз Дняпро — за спінаю і на флангах лука ракі, па фронце ўзвышалася сцяна маскоўскай кавалерыі.

Маскоўскія палкі былі конныя, цяжкіх гарматаў яны не мелі, бо вялікі князь Васіль ІІІ загадаў пакінуць іх у захопленых замках. (Згодна з іншымі сведчаннямі расійскіх гісторыкаў, нейкі «агнястрэльны снарад» (лёгкая артылерыя?) такі быў у маскоўцаў.)

6 верасня 1514 г. літвіны падыйшлі да Дняпра і пачалі шукаць месца, каб без перашкод пераправіцца праз раку. Хоць маскоўскія ваяры стараліся пільна сачыць за іх дзеяннямі, яны пакінулі без аховы адзін брод, праз які гетман і накіраваў на супрацьлеглы бок пад прыкрыццём аршанскага замка конніцу. Пяхота ноччу пераправілася на лодках і плытах, наведзеных пад кіраўніцтвам Яна Башты каля вёскі Пашына. У балоцістых месцах ля ракі былі зробленыя грэблі з паваленых і звязаных дрэў, гарматы перавозіліся ў лодках з насцілам з плеценага чароту, каб колы не грукалі. Ваяры заўважылі, што за войскам ляцела шмат крумкачоў і сіпоў, і расцанілі гэта як прыкмету таго, што маскоўскае войска будзе разбіта.

Ваявода Іван Андрэевіч Чаляднін вырашыў адным ударам пакончыць з ліцвінскім войскам і ў сваёй перамозе не сумняваўся:
Пачакаем, пакуль не пераправіцца ўсё войска, бо нашыя сілы настолькі вялікія, што без сумнення і вялікіх намаганняў мы зможам ці разбіць гэтае войска, ці абкружыць яго ды гнаць, як быдла, аж да Масквы. Нарэшце, адзінае, што нам застанецца, — заняць усю Літву.
 

Заданне.

Перад Вамі дзве карціны. Яны адрозніваюцца толькі ў вельмі дробных дэталях. Вам трэба знайсці максімум адрозненняў  да 19-00 наступнага дня. Адрозненні павінны быць абведзены чырвоным колерам.

Падказка. Для лягчэйшага пошуку захавайце малюнкі сабе на кампутар.

Наступнае заданне будзе заўтра ў 19-00 

 Поля помеченные звездочкой обязательны для заполнения *.