• Галоўная
• Аб гульні
• Фотоархіў
• Цікавае
• Відэа
• Напісаць нам
• Рэйтынгі
• Форум

Заданне № 1.

Вам трэба адказаць на пытанні, якія тычацца людзей і падзей таго часу. Адказы дасылайце на адрас ff.actions@gmail.com

Пры вызначэнні балаў на першым месцы будзе дакладнасць, а на другім - хуткасць. Гэта тычыцца ўсёй гульні, калі ў какнрэтным заданні, не азначана іншага.

На выкананне заданняў адводзіцца 24 гадзіны. 

1. Назавіце валадара, які чаканіў двухмоўныя манеты.

   Падказка. Так на адным баку было выбіта яго імя, а на другім надпіс па-арабску «Няма Бога акрамя Алаха, і Мухамад пасланец Алаха». 

2. У якім горадзе знаходзіцца дадзены помнік?

3. Фарпостам ВКЛ на ўсходзе быў старажытны беларускі горад Смаленск. Двойчы з пачатку вайны ён вытрымаў маскоўскія атакі. Але 1 жніўня 1514 г. смаленскі ваявода Юры Салагуб капітуляваў пасля месячнае аблогі і абстрэлу. Разам з іншымі знакамітымі асобамі Васіль ІІІ адпусціў яго дадому. Як быў пакараны Юры Салагуб за страту Смаленска пасля прыбыцця ў Кракаў?

4. Чыя выява на малюнку? 

  5. Які старажытны беларускі горад за сваю гісторыю змяніў ажно пяць гербаў?

 Падказка: вось два з іх

  6. Прадстаўнік знакамітага княжацкага роду, які вёў сваё паходжанне ад татараў. Велізарнае багацце дапамагала яму набываць сабе прыхільнікаў і сяброў, пераважна з асяроддзя маскоўскага баярства. Славалюбства не дазваляла яму адыгрываць другарадныя ролі ў вышэйшай палітыцы, таму ён вырашыў выступіць супраць вялікага князя літоўскага і раздзяліць краіну. Пайшоў на змову з маскоўскім ўрадам і ў пачатку 1508 году адкрыта падняў сьцяг бунту. Але з-за таго, што камандаванне маскоўскім войскам заключыла мірнае пагадненне з Жыгімонтам, вымушаны быў бясслаўна, як здраднік, пакінуць Бацькаўшчыну. Быў пазбаўленны сваіх валадарстваў у Літве і выехаў з сваімі прыхільнікамі ў Маскву.

 Аб кім ідзе гаворка?


7. Усім вядома пра пагадненне падпісанае 23 жніўня 1939 г. Нямеччынай і Савецкім Саюзам, вядомага пад назвай пакта Рыбентроп-Молатаў, згодна з якім межы ў Цэнтральнай і Усходняй Еўропе падвяргнуліся асноўным змяненням. Але мала хто ведае, што ў 1514 г. таксама існаваў праект падзелу Польшчы і Вялікага Княства Літоўскага ў выпадку перамогі членаў ваеннай кааліцыі. Дык якія краіны стварылі кааліцыю супраць Польшчы і Вялікага Княства Літоўскага? Таксама назавіце імены ініцыятараў гэтай змовы.
  

8. Які ваявода Вялікага Княства Літоўскага здабыў сабе ганаровае найменне «літоўскі Геркулес»?
  

9. 3 канца XV ст. Маскоўская дзяржава прыпісвае сабе ролю спадкаемцы Кіева і Візантыі, а гэта значыць і галавою ўсіх праваслаўных хрысціян Усходняй Еўропы. Усходнеславянскія землі ВКЛ аб’яўляліся вотчынай Маскоўскага княства…
А як Масковія параднілася з апошнім імператарам Візантыі?


  10. Пасля таго, Іван III спыніў выплату даніны Вялікай Ардзе, хан Ахмат сабраў войскі і адправіўся ваяваць з непакорлівым князем. Акрамя таго, ён заручыўся падтрымкай і дапамогай літоўскага вялікага князя і польскага караля Казіміра. Рускія і татарскія войскі сустрэліся ў пачатку кастрычніка 1480 г. Рускія стаялі на левым беразе, іх ворагі — на правым. Сілы былі прыкладна роўныя. Былі невялікія сутычкі, але ні тыя, ні іншыя не вырашаліся напасці першымі. Так яны прастаялі да 11 лістапада 1480 г., калі ханскія войскі разгарнуліся і сыйшлі дадому. 
Які назоў атрымала гэтае супрацьстаянне татарскіх і расійскіх войскаў?
 

Наступны этап глядзіце заўтра ў 17-00 

 Поля помеченные звездочкой обязательны для заполнения *.